1. |
Iluntasuna soilik
03:06
|
|||
|
Iluntasuna soilik
Berunezko zeru herdoildua
burmuinaren desertu izoztuan.
Etsipenezko laino mardulak
pentsamenduaren mihise urratuan.
Denboraren zantzua
gogoeta ilunen pausalekuan galdu da.
Hutsa, ezereza…
ilun dakusat dena nire gogoaren baitan.
Gorrotoaren ahotsa
goroldioz beteriko gartzela umelean,
urruneko aiene galduak
gogoetaren zulo sakonean.
Bakardadearen estalpean
etsipenak elikatzen du nire adimena,
iluntasuna soilik nire gogoaren baitan.
|
||||
2. |
Lautada izoztuetan
08:54
|
|||
|
Lautada izoztuetan
Hotza daukat hezurretaraino sartua,
izoztutako negar malkoek urratu didate aurpegia,
jadanik ez dakit noiz utzi nuen atzean iragana.
Zeharkatu nituen mendi malkartsuak,
atzean utzi itsasoa, atzean basoak.
Ibilian ibiliaz ezabatu da dena,
elurra eta hotza ditut bidaide.
Lautada izoztuetan nago galduta,
zure bila noraezean.
Otsoari lapurtu nion arima
bidaiaren nekean lagundu nazan.
Orain ardi galdua naiz,
zure bila noraezean.
Ilargiari lapurtu nion argia,
gauaren beltzean gida nazan.
Orain ibiltari arrotza naiz,
zure bila noraezean.
Hartzak esan zidan iparrera jotzeko,
azkenekoz han ikusi zintuela,
orain belea da jarraitzen nauen bakarra,
zure bila noraezean.
Jada ez dakit hilik ala bizirik nagoen,
zure izena aditzen dut haizearen marmarrean.
Non zaude? Joan da dena betiko.
Zugan dut nire gogoa.
|
||||
3. |
Pairamena
07:52
|
|||
|
Pairamena
Egunaren argitan itsutasunean,
gauaren beltzean loaren beldur.
Hau da nire kondenaren sufrikarioa.
Iluntasuna nagusitu zen garaitik
murgilduz noa gaueroko ametsetan.
Bizitako guduak, beldurra, heriotza…
Ordutik ametsen morroi,
iraganeko mamuak dira
gaueroko narratzaile.
Gauaren loan erortzearen beldurrak
urratu zizkidan betazalak,
orain zuri dakusat mundua
odolezko ninien leihoetatik.
Mairulegorretatik Sarara,
Baltzolatik Lezetxikira,
lurruspeko bideetatik aditzen ditut
Ingumaren aiene hotsak.
Badoaz beraka, badator azpimundua.
Banoa nire ametsekin borrokatzera,
begiak itxi eta azpimundua ireki.
Gaurkoan garaituko dut Inguma,
gaurkoan lapurtuko diot arima.
Bera ala ni.
Ni izango naiz amesgaiztoen zaindari,
ni lurruspeko ahotsen gidari.
|
||||
4. |
Behin hilko naiz
04:51
|
|||
|
Behin hilko naiz
Izarren keinuei begira apal dago gaua,
beleak eta putreak gudalekuaren miresle
ekaitzaren osteko barealdian pausatu da zerua.
Gudaz guda, banan banan bildutako
arerioen hilzoria izan da nire ogia.
Barnean izan dut beti odolaren nahia.
Gudaren erdian sentitu naiz aske,
etsaiaren odol gose,
lepazurrak hautsiz naiz ase.
Bukatu da guda niretzat,
zaurien ziztadek garaitu naute behingoan,
bukatu da ezpataren mintzoa.
Bukatu da guda niretzat,
iritsi da gau beltza.
Lurrak hartuko nau orain bere baitan.
Ilargiaren argitan gorri dakusat lurra,
Azken fereka ezpata odoleztatuan,
banoa…
Gaurkoa azken guda dantza,
lurperatuko da nekea, lurperatu borroka.
|
||||
5. |
||||
|
Nire arnasean biziko da gaua
Ilunabarraren erorreran
hil nintzen duela milaka urte.
Jaun Beltzaren aurrean
iluntasuna besarkatu nuen betiko.
Hil zen eguna niretzat, hil zen eguzkia.
Argirik gabeko ilargia da orain
zeruko izar bakarra.
Ni naiz Gaueko, gauaren zaindaria,
heriotzaren semea, ilargiaren alaba.
Ni naiz Gaueko, iluntasunaren orroa,
gauren beltzean murgiltzen diren
arima galduak lapurtzera bidalia.
Mendez mende milaka arimen etsipenez
asetuz joan naiz gauaren gosea.
Gizaldiz gizaldi pilatutako espektruez
osatuz doa gauaren gudarostea.
Ni naiz Gaueko, gauaren zaindaria,
heriotzaren semea, ilargiaren alaba.
Irentsitako arima bakoitzeko
murriztuz doaz egunaren ertzak,
handituz doa azpimunduaren erresuma.
Ni naiz Gaueko, gaua da nire erreinua.
Eroriko da iluntasuna betiko,
hilko da egunsentia.
Ni naiz Gaueko,
nire arnasean biziko da gaua.
|
||||
6. |
Itzaletan solasean
06:05
|
|||
|
Itzaletan solasean
Begirada hutsak paisaia desolatuan,
gauaren ibilbidean aditzen diren garrasi urrunak,
haize izoztua eta etsipena nagusi
gorrotoaren erresuman.
Lanbro loditan barneratuz noa
iluntasuna miresten dudan bitartean.
Herio dut aurrez aurre,
odolezko mozorroa du aurpegitzat,
heriotz latzgarria dakar besapean.
Lazduran erortzen naiz,
oroitzapen ilunetan,
behin betiko amesgaiztoan.
|
||||
7. |
Iraganeko errautsak
04:49
|
|||
|
Iraganeko errautsak
Atzo zerura begira geunden,
bizitzaren zentzua eguzkian, ilargian
eta gaueko izarretan aurkitzen genuelarik.
Atzo leizezuloetan bizi ginen,
izpirituen erreinu izkutua
iluntasunaren sakoneran aurkitzen genuelarik.
Atzo sutondoan biltzen ginen,
suaren miresmenean eta errautsetan
arbasoen arima gure egiten genuelarik.
Atzo kondairak ahoz aho kontatzen zizkiguten,
gure hizkuntzaren arima
mendeetan zehar gal ez zedin.
Atzo natura gurtzen genuen,
bizitza, heriotza eta haratagoa
osotasunean ulertzen genuelarik.
Atzo norbanakoak leinua osatzen zuen,
nagusien hitza jakituriaren iturri
gaur garena izatera iritsi garen arte.
|
||||
8. |
Itzaltzuko bardoari
03:41
|
|||
|
Itzaltzuko bardoari
Nire oharmenaren ilunabarretan entzuten haut.
Hilik hengoela uste nian bardo.
Benitok esan zidaan aditu hinduela,
Altabizkarko Kantua kantatuko al didak niri ere,
edo mingaina moztearen beldur haiz?
Nik ere faltan botatzen diat iraganeko guduen epika,
Orreagara begira jarraitu behar al diagu?
Ez diagu etsiko Gartxot, kantatuko diagu guretik.
Joandako eresien bila jarraituko diagu,
herri zapalduen kantuek berdin ditek
odoletik nola maitasunetik.
Bihar ikusiko diagu infernuan elkar,
giristinorik gabeko lurralde askean,
nik ez diat inongo zerurik laket.
Basatiaz kantatuko diagu harro
albokaren doinuak lagun.
Isuritako malko bakoitzak
elikatzen dizkik gure kantuak.
Mikelot bizirik zegok gugan.
Isildu nahi izan ziaten herriaren ahotsa,
hire kantuen egarri izan gaituk ordutik bardo.
Urtu dira berriro Elkorretako elurrak,
harrien negarra haizeak darama
Zaraitzuko ibarretan barna…
|
||||
Les Acteurs de L'Ombre Productions France
LES ACTEURS DE L’OMBRE PRODUCTIONS is an association bringing passionate people together, all volunteers. Our vocation? Presenting bands we love, usually coming from nowhere!
If you like Iluntasuna besarkatu nuen betiko, you may also like:
supported by 42 fans who also own “Iluntasuna besarkatu nuen betiko”
Lovely transcendent deep black metal, of windswept nights and scattered stars.
go to album
supported by 33 fans who also own “Iluntasuna besarkatu nuen betiko”
Gaerea's first release of "Unsettling Whispers" was in 2018, and since, they dared define a "black metal" niche of their own, they dared to walk a new path and stir shit up a bit in the realm of BM, this album is a masterpiece and a milestone proving that it can be done, provided the band can pull it off, and they did, oh they did! Gloomy, dark, post-BM sludgy whatever, it's Gaerea, and this one belongs in my BC collection, the end.
go to album
Söngvar elds og óreiðu
by Misþyrming
supported by 30 fans who also own “Iluntasuna besarkatu nuen betiko”
Swirling guitars, furious drums, vocals that at the same time howl from infinite distance and are right up in your head; everything put into dissonant form with the help of unconventional songwriting. This album is my personal key to the icelanding black metal madness that I've ignored for way too long!
go to album
MERIDIANS OF SACRIFICE
by KORELTSAK
featured on Bandcamp Radio Jan 19, 2024
go to album
Imperium Mortalia
by Dismal Aura
featured on Bandcamp Radio Oct 12, 2023
go to album
Slip into the shadows with this eerie darkambient/dark folk record from Pittsburgh’s Vale.
go to album
supported by 30 fans who also own “Iluntasuna besarkatu nuen betiko”
Read the prescription Take this as medication And listen to these Soul cleansing hugs Thanks, this works very well !
go to album
